«Սևիլիան» Չիրո Իմմոբիլեի համար առաջարկել է Դորտմունդի «Բորուսիային» 12 մլն եվրո
Իսպանացիների առաջին անգամ առաջարկած 10 մլն եվրոն մերժվել է:
«Սևիլիան» երկրորդ փորձն է ձեռնարկել` ձեռք բերելու համար Իտալիայի հավաքականի հարձակվող Չիրո Իմմոբիլեին: Այս անգամ «Բորուսիային» առաջարկվել է 12 մլն եվրո:
Եվրոպայի լիգայի հաղթողների շարքերում Իմմոբիլեն դիտարկվում է՝ որպես Կարլոս Բակկայի փոխարինող, ով տեղափոխվել է «Միլան». տեղեկացնում է Football Italia-ն:
Մեկ տարի առաջ «Տորինոյից» իտալացու տրանսֆերը «Բորուսիայի» վրա նստեց մոտ 20 մլն եվրո: Առաջին մրցաշրջանում իտալացին «Բորուսիայի» կազմում խփել է ընդամենը 3 գնդակ` անցկացնելով 24 հանդիպում:
Սերիա Ա-ի նախկին լավագույն ռմբարկուի ծառայություններով հետաքրքրված են նաև «Նապոլին» և «Ֆիորենտինան»:
Պատրաստեց Անի Գաբուզյանը
