Արտակ Եդիգարյանը հեռացել է «Ժալգիրիսից»
Լիտվայի գործող չեմպիոն «Ժալգիրիսի» պաշտոնական կայքը հայտնել է, որ լիտվական ակումբը և Հայաստանի ազգային հավաքականի պաշտպան Արտակ Եդիգարյանը երկկողմ համաձայնության են եկել և խզել են գործող պայմանագիրը:
Արտակ Եդիգարյանը «Ժալգիրիսին» միացել է 2014 թվականի հունվարին, մասնակցել է 23 հանդիպման: «Ժալգիրիսի» կազմում Եդիգարյանը դարձել է Լիտվայի չեմպիոն, երկու անգամ նվաճել է երկրի գավաթը:
Եդիգարյանի ապագայի հարցը դեռ պարզ չէ, ֆուտբոլիստը դեռ չի հայտնել իր հետագա քայլերի մասին:
Քննարկվում է այն տարբերակը, որ գուցե Եդիգարյանը վերադառնա Հայաստանի բարձրագույն առաջնությունում հանդես եկող որևէ ակումբ:
Սիրարփի Աղաբաբյան
