Թուրքիայի փոխվարչապետը հեռանում է քաղաքականությունից
Թուրքիայի փոխվարչապետ Բյուլենթ Արընչը հեռանում է քաղաքականությունից, հայտնում է թուրքական TRT Haber հեռուստաալիքը:
Այսօր Արընչը վերջին անգամ որպես փոխվարչապետ հանդիպել է Թուրքիայի նախագահ Ռեջեփ Թայիփ Էրդողանի հետ: Ավելի վաղ Բյուլենթ Արընչը բազմիցս հայտարարել է, որ պատրաստվում է հեռանալ քաղաքականությունից:
67-ամյա քաղաքական գործիչը Թուրքիայի քաղաքական էլիտայի ամենաուժեղ ֆիգուրներից է, ովբ ակտիվ քաղաքական գործունեություն է վարում 1983 թվականից: Նա համարվում է նաև Թուրքիայի «Արդարություն և զարգացում» կուսակցության հիմնադիրներից մեկը:
Բյուլենթ Արընչը եղել է կուսակցության առաջին անդամներից մեկը, ով սուր քննադատության էր ենթարկում երկրի նախագահ Ռեջեփ Թայիփ Էրդողանին:
Նա հայտարարում էր, որ Թուրքիայի նախագահն ամբողջությամբ տեղեկացված չէ քրդական խնդիրը դեմոկրատական ուղիով լուծելու դետալների մասին:
Այս հայտարարության պատճառով «Արդարություն և զարգացում» կուսակցության մի շարք անդամներ այս տարվա մարտին պահանջել էին նրա հրաժարականը:
