Թբիլիսիում շենք է փլուզվել. կան զոհեր
Թբիլիսիում շենք է փլուզվել, որի փլատակների տակ է մնացել 4 մարդ: Փրկարարները մեկին կարողացել են հանել փլատակների տակից, մյուս երեքը մահացել են: Այս մասին հայտնում է «Գրուզիա օնլայնը»՝ վկայակոչելով Վրաստանի արտակարգ իրավիճակների գործակալությունը:
Դեպքի վայրում են գտնվում փրկարար ծառայությունների ներկայացուցիչներն ու շտապօգնության աշխատակիցները:
Փլուզված շինության վրա ծրագրվում էր ավելացնել ևս երկու հարկ: Բանվորները աշխատում էին 24-ժամյա ռեժիմով:
ԶԼՄ-ները հայտնում են, որ այդտեղ նախատեսվում էր հյուրանոց կառուցել:
