ԴԱԻՇ-ի զինյալները ոչնչացնում են Պալմիրայի հնագույն կոթողները
ԴԱԻՇ-ի զինյալները հրապարակել են լուսանկարներ, որտեղ երևում է, թե ինչպես են զինյալները ոչնչացնում հնագույն արձանները: ԴԱԻՇ-ը պնդում է, որ դրանք Սիրիայի հնագույն քաղաք Պալմիրայի ցուցանմուշներն են, հայտնում է BBC-ի ռուսական ծառայությունը:
Լուսանկարներում երևում է, թե ինչպես են զինյալները ամբոխի ներկայությամբ ոչնչացնում արձանները:
Իսլամիստները հայտարարել են, թե արձաններն առգրավվել են ինչ-որ մաքսանենգից, որին որպես պատիժ մտրակել են:
Լուսանկարները ուղեկցվել են Մուհամմեդ մարգարեի խոսքով, որն ասում է. «Ոչ մի արձան չթողնեք չավերված ու ոչ մի դամբարանաբլուր՝ առանց հողին հավասարեցնելու»:
