Ռուսաստանն ու ԱՄՆ-ը վաղուց են գտնվում Սառը պատերազմի վիճակում. Բժեզինսկի
ԱՄՆ նախկին նախագահ Ջիմի Քարտերի ազգային անվտանգության գծով խորհրդական Զբիգնև Բժեզինսկին կարծում է, որ Ռուսաստանն ու ԱՄՆ-ը արդեն վաղուց են գտնվում Սառը պատերազմական վիճակում, սակայն քիչ հավանական է, որ դա վերածվի «թեժ կոնֆլիկտի»:
«Ես չեմ ցանկանում պատերազմ, սական ես նաև պատրաստ չեմ ինձ թույլ տալ վախեցնել պնդումներով, որ մենք սիմետրիկ ռեակցիայով պատերազմ ենք հրահրում: Հակառակը՝ եթե մենք չարձագանքենք, ապա դա պատերազմ սկսելու ուղիղ ճանապարհ է»,- Deutsche Welle-ն մեջբերում է Բժեզինսկու խոսքերը:
Նա նաև առաջարկել է Ուկրաինայի ճգնաժամը լուծել Ֆինլանդիայի օրինակով: Բժեզինսկին հանդես է գալիս Ուկրաինային պաշտպանական զինատեսակի մատակարարումն այն եղանակով, ինչպես Ֆինլանդիային, որպեսզի «չնյարդայնացնի Ռուսաստանին»:
