Ռիհաննան «Bitch Better Have My Money» տեսահոլովակում լողանում է արյան մեջ

Տեսահոլովակը, որին թերևս սպասում էին Ռիհաննայի արվեստին հետևող բոլոր երկրպագուները, վերջապես ներկայացվեց:

Բարբադոսյան աստղը համացանցում հրապարակել է 7 րոպեանոց մինի ֆիլմ, որը հանդիսանում է «Bitch Better Have My Money» երգի պաշտոնական տեսանյութը:
Այստեղ կա ամեն ինչ` բռնություն, թմրանյութեր, փող, մերկ մարմին:
Այսպիսի տեքստով երգը, թերևս, չէր կարող այլ դրսևորում ստանալ:

«Այս աշխատանքի միտքը ինձ մոտ առաջացել է ութ ամիս առաջ: Կարո՞ղ եք պատկերացնել, թե ես ինչպես եմ նյարդայնանում»,-մեկնաբանել է երգչուհին:

Նշենք, որ տեսահոլովակը youtube-ում կարող են դիտել միայն 18 տարին լրացած անձինք, որոնք ունեն google account, որի միջոցով կարող են բացել տեսահոլովակը:

Պատրաստեց Անի Գաբուզյանը