Արդա Թուրանը 35 մլն եվրոյով կտեղափոխվի «Բարսելոնա»
Կատալոնական ակումբը որոշել է պայմանագիր ստորագրել կիսապաշտպան Արդա Թուրանի հետ:
Չնայած Անգլիայի չեմպիոնատ տեղափոխվելու տարբերակներին, Արդա Թուրանը պատրաստ է միանալ «Բարսելոնային», որը պայմանավորվել է «Ատլետիկոյի» հետ տրանսֆերի մասին: Ինչպես հաղորդում է Marca-ն, իր ֆուտբոլիստի համար Մադրիդյան ակումբը կստանա 35 մլն եվրո:
Վերջերս Արդա Թուրանը հայտարարել էր, որ դեմ չէր լինի հեռանալ «Ատլետիկոյից» և փոխել իրավիճակը:
Նշենք, որ «Բարսելոնա» տեղափոխվելու դեպքում Թուրանը չի կարող խաղալ մինչև հունվար, երբ ակումբի վրայից կհանեն տրանսֆերային արգելքը:
Պատրաստեց Անի Գաբուզյանը
