Գերմանիայում դատում են Օսվենցիմի 94-ամյա անվտանգության ծառայողին
Նացիստական Աուշվից համակենտրոնացման ճամբարի նախկին անվտանգության ծառայող Օսկար Գրենինգը դատարանում հայտարարել է, որ կարող է իր արածի համար ներողություն խնդրել միայն Աստծուց:
Գրենինգը խոստովանել է իր մասնակցության փաստը Հոլոքոստին: Նրա խոսքով՝ ինքը հաշվել է փողերը, որ առգրավվել են Օսվենցիմի նոր բանտարկյալներից, հայտնում է BBC-ի ռուսական ծառայությունը:
Լյունեբուրգի դատարանում մեղադրյալի հայտարարության մեջ ասվում է, որ իրեն զանգվածային սպանությունների դեմ ընդդիմանալուն խանգարել է նացիստական ղեկավարությանը կուրորեն ենթակա լինելը:
Նա հերքում է, թե նպաստել է 300 հազար հրեաների սպանությանը:
