Դմիտրի Մեդվեդևը հեռախոսազրույց է ունեցել Հովիկ Աբրահամյանի հետ
ՌԴ վարչապետ Դմիտրի Մեդվեդևը Հայաստանի վարչապետ Հովիկ Աբրահամյանի հետ հեռախոսազրույցում քննարկել է ռուս-հայկական հարաբերություններին առնչվող հարցեր ու կարևորել երկու երկրների երկկողմ համագործակցության ակտիվացումը տարբեր ոլորտներում:
Հեռախոսազրույցը կայացել է հայկական կողմի նախաձեռնությամբ, հայտնում է RIA Novosti-ն՝ հղում կատարելով նախարարների կաբինետին:
«Կառավարությունների ղեկավարները քննարկել են ռուս-հայկական հարաբերությունների ընթացիկ հարցերը, Դմիտրի Մեդվեդևն ու Հովիկ Աբրահամյանը կարևորել են երկու երկրների երկկողմ համագործակցության ակտիվացումը տարբեր ոլորտներում»,-ասված է հաղորդագրությունում:
Բացի այդ՝ զրուցակիցները ամփոփել են նաև 2015թ. հունիսի 25-26-ը Երևանում կայացած տնտեսական համագործակցության վերաբերյալ միջկառավարական հանձնաժողովի արդյունքները:
