Իմ հայրենակիցներն արդեն սկսել են քննադատել ինձ. Մխիթարյան

Հայաստանի հավաքականի կիսապաշտպան Հներիխ Մխիթարյանը, ով «Շախտյորի» ամսագրի հունվարյան համարի գլխավոր հերոսն էր, հարցազրույցի ժամանակ խոսել է նաև «հայկական քննադատության» մասին:

–         Ո՞ր հանդիպման կամ ո՞ր չփխած գոլի համար ես ամենից շատ ափսոսում:

Շատ են եղել պահեր, որոնք ես չեմ իրացրել: Սակայն ես աշխատում եմ դրա վրա, քանի որ գիտեմ, որ խաղում կարող է նման մեկ դեպք լինել և այն պետք է օգտագործել: Օրինակ, 0:0 հաշվի դեպքում 90-րդ րոպեին դու հնարավորություն ես ստանում, որը պետք է անպայման օգտագործես: Փորձում եմ կատարելագործվել, քանի որ վերջին ամիսներիներին դրա հետ կապված որոշ խնդիրներ ունեմ:

–         Այնուամենայնիվ, ո՞ր պահի մասին եք ամենից շատ ափսոսում:

Կարծում եմ` տնային հանդիպումը «Չելսիի» հետ: 5 անգամ հարվածեցի դարպասին, սակայն Չեխը դուրս բերեց գնդակը:

–         Ինչպե՞ս ես վերաբերվում հայ երկրպագուներին, ովքեր, անկախ ամեն ինչից, քեզ միշտ գովում են:

–         Ես երբեք չեմ ընդունում գովասանքը, եթե գիտեմ, որ վատ եմ խաղացել: Նրանք ֆանատներ են, դա նորմալ է: Նրանք այն մարդիկ են, ովքեր միշտ քեզ սիրում և աջակցում են: Ես շնորհակալ եմ նրանց: Ի դեպ, այժմ իրավիճակը փոխվել է. երբ ես վատ եմ խաղում, իմ հայրենակիցները սկսում են քննադատել ինձ:

–         Ինչպե՞ս ես կատարելագործում արդյունավետությունդ, տուգանայինների վրա աշխատու՞մ ես:

Ես մարզման ժամանակ ստեղծում եմ գոլային վիճակներ ինձ համար: Անգամ եթե դարպասապահ չկա, դու պատկերացնում ես` թե ինչպես պետք է ճիշտ հարվածել: Ես դա էլ փորձում եմ: Իսկ տուգանային հարվածների համար ընկերներիս հետ մնում եմ մարզումներից հետո ու աշխատում նաև այդ ուղղությամբ:

–         Սակայն դու խաղերի ժամանակ տուգանայիններ չես իրացնում: Ինչո՞ւ:

Ուղղակի Միսթերը հանդիպումից առաջ ասում է, թե ով պետք է իրացնի տուգանայինները: Դրա համար էլ ես չեմ մոտենում գնդակին:

–         Դու էմոցիոնալ մարդ ես: Ինչպե՞ս է 11 մետրանոցն իրացնելիս:

Ես արդեն փորձել եմ 11 մետրանոց «Գովերլայի» դեմ խաղում, սակայն վրիպել եմ: Որ հնարավորություն լինի, անպայման նորից կփորձեմ, ինչո՞ւ ոչ:

–         Չե՞ս վախենում վնասվածք ստանալ:

Ոչ, եթե ֆուտբոլիստը խոտածածկին դուրս գալ նման մտքերով, ապա անպայման վնասվածք կստանա:

Մարզական լրահոսն ապահովում է SportArmenia.com-ը