Սերենա Ուիլիամսը գլխավորեց վարկանիշային աղյուսակը

Ամերիկացի թենիսիստուհի Սերենա Ուիլիամսը Կանանց թենիսի ասոցիացիայի (WTA) դասակարգման աղյուսակում առաջին տեղ է դուրս եկել:

WTA-ն թենիսիստուհիների վարկանիշները թարմացրել է փետրվարի 18-ին:

Թեև Դոհայում կայացած մրցաշարի եզրափակիչում Սերենա Ուիլիամսը զիջել էր բելառուս Վիկտորիա Ազարենկային, սակայն կարողացել է նրան շրջանցել ու զբաղեցնել առաջին հորիզոնականը:

Այսպիսով, 31-ամյա Ուիլիամսը դարձավ թենիսի պատմության մեջ ամենատարեց թենիսիստուհին, ով WTA-ի աղյուսակում առաջին տեղ զբաղեցրեց:

Նշենք նաև, որ Ուիլիամսին և Ազարենկային հետևում է երրորդ տեղում գտնվող ռուսաստանցի Մարիա Շարապովան:

Մարզական լրահոսն ապահովում է SportArmenia.com-ը