ՀՀ ոստիկանություն. Տեղեկատվությունը իրականությանը չի համապատասխանում
Զանգվածային լրատվության միջոցներով տեղեկություն է տարածվել, թե 8/31 ընտրատեղամասի ընտրողների ցուցակում տեղ է գտել 2968 Մամիկոն Լյովայի Միրիջանյանի անունը, ով մահացել է 2-3 տարի առաջ: Ըստ ահազանգողի՝ քաղաքացու մահվան մասին տեղեկացրել է ՀՀ ոստիկանության անձնագրային և վիզաների վարչությանը, սակայն պատասխանատու մարմինները հարկ չեն համարել ցուցակներից հանել մահացածի անունը: Տեղեկատվությունը իրականությանը չի համապատասխանում:
Բնակչության պետական ռեգիստրի պահոցի տեղեկությունների համաձայն՝ Մամիկոն Լևոնի /այլ ոչ թե՝ Լյովայի/ Միրիջանյանը (ծնված 23.01.1975 թ.), մահվան կապակցությամբ 06.04.2012 թ.-ին հանվել է Երևան քաղաքի Կողբի 2 փողոց տուն 1Ա հասցեի հաշվառումից, ուստի Մամիկոն Լևոնի Միրիջանյանի անհատական տվյալները չէին կարող առկա լինել 16.02.2013 թ.-ին հրապարակված ընտրողների ռեգիստրում: Տեղեկացնում ենք նաև, որ Մ. Միրիջանյանի տվյալները առկա չեն եղել նաև 09.01.2013 թ.-ին հրապարակված ընտրողների նախնական ցուցակներում:
ՀՀ ոստիկանություն
