Հայաստանի մի շարք շրջաններում ձյուն է տեղում
Փետրվարի 16-ի ժամը 11.00-ի դրությամբ հանրապետության մի շարք շրջաններում՝ Սևանում, Մարալիկում, Հրազդանում, Աշոցքում, Ապարանում, Արթիկում, Արարատում տեղում է ձյուն:
Ուժեղ ձյան և բքի պատճառով Մարտունու կողմից փակվել է Սելիմի լեռնանցքը: Գավառի ավտոճանապարհներին տեղ-տեղ առկա է մերկասառույց: Այդ մասին «Pastinfo.am»-ին հայտնել են ՀՀ տրանսպորտի և կապի նախարարությունից
Անվտանգ երթևեկությունն ապահովելու համար ավտոճանապարհներին իրականացվում են մաքրման, աղով և ավազով մշակման աշխատանքներ:
Միջպետական, հանրապետական նշանակության մյուս ավտոճանապարհներն ու լեռնանցքները բաց են:
