Արտակարգ իրավիճակ` Լոռու մարզում. պատկան մարմինները «արջի քուն են մտել» (լուսանկարներ)
Այսօր՝ փետրվարի 13-ին, արտակարգ դեպք է տեղի ունեցել Լոռու մարզում: Ինչպես Լոռու մարզից հայտնում է ֆոտոլրագրող Գագիկ Շամշյանը, Վանաձոր-Դիլիջան ավտոճանապարհի 3 կմ-ոց հատվածում էլեկտրասյունը պոկվել և ընկել է ճանապարհի ողջ երկայնքով՝ փակելով ճանապարհահատվածը:
Նշված հատվածում անգամ «Ճանշինի» պատասխանատուները ձնամաքրման, ճանապարհի մշակման, աղի և ավազի լցման աշխատանքներ չեն կատարել, ինչն էլ պատճառ է դարձել, որ 10-ից ավելի բեռնատարներ չեն կարողանում շարժվել, ինչն էլ, իր հերթին, լրացուցիչ վտանգ է ներկայացնում տրանսպորտային այլ միջոցների համար:
Լոռեցիներն անգամ կատակում էին, որ Լոռու մարզի պաշտոնյաները հայտարարում են, թե Երևանից Լոռի «դբա լավնա», սակայն ոչ թե «դբա լավն ա», այլ «դբա վատն ա»:
Լուսանկարները՝ Գագիկ Շամշյանի
