Թարս` խի՞ արա. մամուլ
«Հայկական Ժամանակ» օրաթերթը գրում է. «Երեկ մեր թղթակցի հետ տեղի ունեցած երկու միջադեպ ուղղակիորեն հաստատել են Ահարոն Ադիբեկյանի հրապարակած տվյալները՝ Սերժ Սարգսյանի բարձր վարկանիշի մասին։ Միջադեպերը տեղի են ունեցել երկու տարբեր տաքսիներում։
Առաջին տաքսու վարորդը մեր թղթակցին իջեցրել է փողոցի կենտրոնում, իմանալով, որ նա գնում է Ս. Սարգսյանի հետ հանդիպման։ Իսկ երկրորդ վարորդը իմանալով, որ թղթակիցը գալիս է այդ հանդիպումից, ասել է, որ կիջեցներ նրան, եթե թղթակիցը կին չլիներ, ժամը ուշ չլիներ, ձյուն գալիս չլիներ»։
