Յուրի Վարդանյանի որդին հայերեն գրել-կարդալ չգիտի. մամուլ
«Ժամանակ» օրաթերթը գրում է. «Ծանրամարտի օլիմպիական չեմպիոն, Սերժ Սարգսյանի խորհրդական Յուրի Վարդանյանի որդիներից Դավիթ Վարդանյանն ուսանում է ՀՊՄՀ կրթության հոգեբանության և սոցիոլոգիայի ֆակուլտետում, սակայն հայերեն գրել–կարդալ չգիտի։
Ասում են, որ Դավիթն այնքան համեստ վարք է ցուցաբերում, որ ամբիոնի վարիչը չգիտի՝ ում որդին է։ ՀՊՄՀ-ից «Ժամանակին» տեղեկացրին, որ Դավիթ Վարդանյանը նախ սովորել է Հյուսիսային համալսարանում, այնուհետևԿԳ նախարարի հրամանով տեղափոխվել է ՀՊՄՀ կրթության հոգեբանության և սոցիոլոգիայի հեռակա կրթական համակարգ, ապա մեկ տարի անց՝ առկա ուսուցման համակարգ։ Մեզ նաև տեղեկացրին, որ Դավիթը միջին կարողությունների տեր է, համեստ, վերահանձնումներ էլ ունի»։
