Անդրիաս Ղուկասյանը ՄԻԱԿ-ի ձախողված «պրոյե՞կտն» է. մամուլ
«Հրապարակ» օրաթերթը գրում է. «Տեսակետ կա, որ Անդրիաս Ղուկասյանը ՄԻԱԿ-ի ձախողված «պրոյեկտն» է, համաձա՞յն է սրա հետ ՄԻԱԿ նախկին առաջնորդ, Սերժ Սարգսյանի նախկին խորհրդական, Աժ պատգամավոր Լևոն Մարտիրոսյանը։
«Ո՛չ, համաձայն չեմ։ Որ նա հացադուլ է անում, իր ընտրությունն ու անձնական պայքարի ձևն է, ինքս առանձնապես լավ չեմ վերաբերվում հացադուլների միջոցով քաղաքական հարցերի լուծման այդ ձևին, թեև վերջերս «հացադուլի էի գնացել» արտասահման, առավել ստույգ՝ սովաբուժության էի մեկնել Ավստրիա և Ավստրիային որևէ քաղաքական պահանջ չներկայացրի։ Սա՝ կատակով, այնուհանդերձ, դժվար էր, բայց օգտակար։ Այնպես որ, ես մոտավորապես հասկանում եմ Անդրիասի վիճակը մարդկայնորեն, սակայն քաղաքական առումով դժվար է նրան հասկանալը»:
