Գառնիկ Իսագուլյանի ականջները. մամուլ
«Նախընտրական պայքարից դուրս եկած նախագահի թեկնածու Արամ Հարությունյանը, որի մասին ասում էին, որ համագործակցում է թե Ռոբերտ Քոչարյանի, թե Հովիկ Աբրահամյանի հետ, ավելին` Աբրահամյանը գնել է Արտաշատում Արամ Հարությունյանին պատկանող հյուրանոցը, իրականում այլ «կուրատոր» ունի»,- գրում է «Հրապարակ» օրաթերթն ու հավելում.
«Դա «Ազգային անվտանգություն» կուսակցության նախագահ, ոչ անհայտ Գառնիկ Իսագուլյանն է: Մեզ հետ զրույցում Իսագուլյանը ժխտեց այդ լուրը` ասելով. «Երկու տարի է` խռով եմ իրենից. նախագահականի տղաներից մեկի հասցեին անթույլատրելի արտահայտություններ էր արել, դրա համար այդ օրվանից ոչ մի կապ չունեմ իր հետ: Ճիշտ է` մենք նույն կուրսեցի ենք, սովորել ենք նույն ֆիզմաթի ֆակուլտետում, հետո էլ համալսարանում նա կնոջս էր դասավանդում, բայց երկու տարի է՝ չեմ տեսել»:
Ի դեպ, Վարդան Սեդրակյանին և նրա արիական գաղափարաբանության որոշակի դրույթներ նույնպես «կապում» են Գառնիկ Իսագուլյանի հետ. այս առնչությամբ էլ Իսագուլյանն ասաց, որ Սեդրակյանին ընդամենը մեկ-երկու անգամ է տեսել, երբ Ռոբերտ Քոչարյանի խորհրդականն էր անվտանգության հարցերով. էլ երբեք չի տեսել»:
