Լեոնարդո դի Կապրիոն նոր ընկերուհի ունի
Դերասան Լեոնարդո դի Կապրիոն նոր սիրելի ունի: Ինչպես գրում է eg.ru կայքը, նրա ընկերուհին ավստրալացի շիկահեր Մարգո Ռոբբին է: Նա ևս դերասանուհի է: Այժմ զույգն իր հանգիստն է վայելում Մայամիում, որտեղ պապարացիներն օրերս լուսանկարել են նրանց:
Աստղային այս զույգի սիրային հարաբերությունների մասին լուրեր տարածվեցին 38-ամյա դի Կապրիոյի ծննդյան տոնից հետո: Այդ օրվանից սկսած պապարացիները դերասաններին բազմիցս լուսանկարել են միասին: Նրանք հանդիպել են «Գայլը Ուոլ Սթրիթից» ֆիլմի նկարահանման հրապարակում: Ֆիլմում դերասանները սիրահարների դեր են կատարում: Ինչպես երևում է լուսանկարներից, ֆիլմի նկարահանման հրապարակից սերը տեղափոխվել է իրական կյանք:
