Սևանա լճից դուրս է բերվել Ուկրաինայի քաղաքացու դին
Փետրվարի 6-ին, ոստիկանության Գեղարքունիքի մարզային վարչության հերթապահ ծառայություն ահազանգ է ստացվել՝ ՀՀ ԱԻ նախարարության Փրկարար ծառայության Օպերատիվ կառավարման կենտրոնից, որ Սևանա լճի Հայկավան գյուղի մոտակա լողափում տղամարդու դի կա:
Ինչպես հայտնում է ֆոտոլրագրող Գագիկ Շամշյանը, մինչ կժամանեին Ոստիկանության և փրկարար ուժերի վարչության հրշեջ ջրափրկարարական ջոկատի ջրափրկարարները, գյուղացիները իրենց ուժերով լողափից դուրս են բերել տղամարդու դին:
Նշվում է, որ ոստիկանությունը պարզել է, որ ջրահեղձվածը Ուկրաինայի քաղաքացի՝ 50-ամյա Ալեքսանդր Տրախտենբերգն էր:
Ոստիկանության քննչական գլխավոր վարչության Գեղարքունիքի մարզի քննչական բաժնի քննիչի որոշմամբ՝ նշանակվել է դիակի դատափորձաքննություն:
Աղբյուրը՝ shamshyan.com
