Ինչո՞ւ է Սամվել Նիկոյանն այդքան հաճախ հյուրընկալվում Աժ ՕԵԿ խմբակցությանը. մամուլ
«Ժողովուրդ» օրաթերթը գրում է. «ԱԺ ՀՀԿ խմբակցության անդամ Սամվել Նիկոյանը հաճախ է հյուրընկալվում Աժ ՕԵԿ խմբակցությանը։ Երեկ ևս` նիստի ընդմիջումից հետո, Աժ նախկին նախագահը, փոխանակ շտապեր նիստերի դահլիճ, արագ քայլերով ուղևորվեց Աժ ՕԵԿ խմբակցության ղեկավար Հեղինե Բիշարյանի աշխատասենյակ։
«Ժոդովուրդը» ՍամվելՆիկոյանից փորձեց պարզել, թե ինչու է այդքան հաճախ գնում ՕԵԿ խմբակցություն։ «Ուրեմն նա մեր կոալիցիոն գործընկերն է, և ես զարմանում եմ, որ ձեզ մոտ հարց է առաջացրել։ Դա դուք պետք է բնական ընդունեիք։ Այնքան պետք է ըմբռնելի լիներ ձեզ համար, որ դա համարեիք շատ սովորական։ Ուղղակի ուշադիր չեք եղել, ես այլ խմբակցություններում էլ եմ լինում»,–ասաց նա»։
