Միայն երևանցի հավաքարարներ. մամուլ
«Չնայած կենտրոնական բանկի կողմից Դիլիջանի նախկին քաղաքային գրադարանի շենքի վերակառուցման աշխատանքներն ավարտվել են, և Դիլիջանում այժմ կա ժամանակակից պահանջներին համապատասխանող գրադարան, ուր գործում է նաև «Թումո» կենտրոնը, «Ժամանակի» տեղեկություններով, որոշ դիլիջանցիների դա այնքան էլ չի ուրախացրել։
Վերանորոգումից հետո աշխատանքից ազատվել են դիլիջանցի աշխատակիցները և Երևանից նոր աշխատակազմ է բերվել։ Անգամ հավաքարարներն են Երևանից բերվել։ Մեզ հասած տեղեկություններով, տեղի ղեկավարությունը միջնորդելէ, գոնե հավաքարարներին աշխատանքից չազատեն, սակայն դա ազդեցություն չի ունեցել»,- գրում է «Ժամանակ» օրաթերթը:
