Էշտոն Քաթչերը հիվանդանոց է տեղափոխվել Սթիվ Ջոբսի դիետայի պատճառով
Օրերս համացանցում է հայտնվել մի տեսահոլովակ, որը պատմում է նկարահանվող «Ջոբս» ֆիլմի մասին: Ինչպես գրում է eg.ru կայքը, ֆիլմը պատմում է Apple ընկերության հիմնադիր Սթիվ Ջոբսի մասին: Ֆիլմի գլխավոր դերակատար, ամերիկացի դերասան Էշտոն Քաթչերը պատմել է, որ իր՝ Ջոբսի կերպարին մաքսիմալ մոտ լինելու համար որոշ ժամանակ հետևել է Ջոբսի առաջարկած մրգային դիետային: Սակայն արդյունքում Քաթչերը ստամոքսի հետ կապված խնդիրներ է ունեցել, ուշաթափվել ու տեղափոխվել է հիվանդանոց: «Ահավոր էր: Ես ուժեղ ցավեր ունեի»,- պատմել է 34-ամյա դերասանը:
Դերասանուհի Դեմի Մուրի նախկին ընկերոջ`հիվանդանոցում հայտնվելու պատճառով ֆիլմի նկարահանումը չի տուժել: Մինչև նկարահանումները սկսելը դերասանը վերականգնվել է ու կարողացել աշխատել: