Մեսսին, ինչպես և ամբողջ թիմը, լավն էր. Լուիս Էնրիկե

«Բարսելոնայի» գլխավոր մարզիչ Լուիս Էնրիկեն իր կարծիքն է հայտնել Պրիմերայի 14-րդ տուրում «Վալենսիայի» դեմ անցկացրած խաղի մասին (1:1):

«Պատճառ չկա թիմին կշտամբելու խաղի համար, այդպիսի բարդ մարզադաշտում: Մենք խաղի տերն էինք և պրակտիկորեն պրոբլեմ չունեինք: Բայց այսօր ֆուտբոլը չվճարեց ներդրած ջանքերի դիմաց:

Ինձ չէր թվում, որ մենք դանդաղ էինք շարժվում: Թիմը լավ հանդես եկավ: Մենք շատ պահեր ունեինք, չնայած այն բանին, որ մրցակիցը ետ էր քաշվել և լավ պաշտպանվում էր:

Հնարավոր է, մեզ ճշգրտությունը չբավականացրեց, ինչպես երբեմն լինում է: Բայց ես գոհ եմ նրանից, թե ինչպես թիմը վերաբերվեց այդ հանդիպմանը:

Մեսսին, ինչպես և ամբողջ թիմը, լավն էր: Նա խաղից խաղ ավելի ու ավելի լավ է խաղում»,- ասել է Լուիս Էնրիկեն:

Պատրաստեց Անի Գաբուզյանը