Մարկո Ռուբիոն Վատիկանում հանդիպելու է Հռոմի պապ Լևոն XIV-ին
ԱՄՆ պետքարտուղար Մարկո Ռուբիոն Վատիկանում հանդիպելու է Հռոմի պապ Լևոն XIV-ին՝ փորձելով մեղմել լարվածությունը Դոնալդ Թրամփի կողմից Հյուսիսային Ամերիկայի առաջին պոնտիֆիկոսի հասցեին հնչեցրած բազմաթիվ քննադատություններից հետո:
Սուրբ Աթոռի և Վաշինգտոնի հարաբերություններում աննախադեպ լարվածության ֆոնին ակնկալվում է, որ Ռուբիոն Առաքելական պալատում կհանդիպի Լևոն XIV-ին, որից հետո մի շարք հանդիպումներ կունենա Իտալիայի կառավարության հետ:
Հիշեցնենք, որ Թրամփը մեղադրել է պապին միջուկային զենքին սատարելու և Իրանի պատերազմի դեմ իր դիրքորոշմամբ բազմաթիվ կաթոլիկների վտանգի ենթարկելու մեջ, ինչը ԱՄՆ նախագահի վերջին հարձակումն էր պոնտիֆիկոսի վրա:
Լևոն XIV-ը պատասխանել է, որ եթե որևէ մեկը ցանկանում է քննադատել իրեն ավետարանը քարոզելու համար, թող դա անի ճշմարտությամբ:
«Եկեղեցին տարիներ շարունակ հանդես է եկել բոլոր միջուկային զենքերի դեմ, դրանում կասկած չկա: Ես պարզապես հույս ունեմ, որ ինձ կլսեն Աստծո խոսքի արժեքի պատճառով»,- ասել է Հռոմի պապը:
