ԱՄԷ-ն արգելել է իր քաղաքացիներին այցելել Իրան, Իրաք և Լիբանան
Արաբական Միացյալ Էմիրությունները հայտարարել է իր քաղաքացիների համար ճանապարհորդական արգելք դեպի Իրան, Իրաք և Լիբանան՝ «ներկայիս տարածաշրջանային զարգացումների» ֆոնին։
Տեղեկությունը տարածել է ԱՄԷ արտաքին գործերի նախարարությունը ապրիլի 30-ին։ Ըստ հայտարարության՝ արգելվում են նաև ապագա բոլոր ուղևորությունները նշված երեք երկրներ։
Բացի այդ, նախարարությունը կոչ է արել այդ պահին Իրանում, Իրաքում և Լիբանանում գտնվող ԱՄԷ քաղաքացիներին անհապաղ վերադառնալ երկիր և կապ հաստատել արտաքին գործերի նախարարության հետ։
Գերատեսչության հաղորդմամբ՝ այս քայլը նպատակ ունի ապահովել արտերկրում գտնվող քաղաքացիների անվտանգությունը և վերահսկել նրանց բարեկեցությունը՝ տարածաշրջանում աճող լարվածության պայմաններում, որը կապված է ԱՄՆ-Իրան հակամարտության հետ։
