Փեզեշքիանը քաղաքացիներին կոչ է անում դուրս գալ փողոցներ
Իրանի նախագահ Մասուդ Փեզեշքիանը հայտարարել է, որ Իրանի կառավարությունը վճռական է լուծելու ժողովրդի առջև ծառացած տնտեսական խնդիրները՝ կոչ անելով իրանցիներին զերծ մնալ ցանկացած «ավերիչ գործողություններից», ։
IRIB պետական լրատվական գործակալությանը տված հարցազրույցում Իրանի նախագահը նշել է, որ կառավարությունը «պատրաստ է լսել իր ժողովրդին»։
«Մենք պատրաստ ենք լսել ժողովրդի ձայնը և վճռականորեն տրամադրված ենք շարունակել տնտեսական բարեփոխումները», – ընդգծել է նա։
«Մենք կոչ ենք անում իրանցիներին դուրս գալ փողոցներ՝ հստակ արտահայտելու իրենց պահանջները և թույլ չտալու, որ անկարգություններ հրահրողները խեղաթյուրեն ներկայիս բողոքի ցույցերի պատճառները»։
Փեզեշքիանը պնդել է, որ ցուցարարները տնտեսական վիճակի վատթարացման վերաբերյալ իրենց դժգոհությունն են արտահայտում, բայց նրանք չեն հրդեհում շուկաները կամ չեն կատարում հանցավոր գործողություններ։ «Իրանում անկարգությունները կազմակերպվում են Ամերիկայի և Իսրայելի կողմից, որոնք իրենց գործակալներին հրամաններ են տալիս ապակայունացնել իրավիճակը», – նշել է նա։
Նա Միացյալ Նահանգներին և Իսրայելին նաև մեղադրել է անցյալ տարի Իսրայելի և Իրանի միջև 12-օրյա պատերազմից հետո «խռովարարներին» Իրանում անկայունություն ստեղծելու հրաման տալու համար։
