Կրեմլը կվերլուծի Կիևի անվտանգության երաշխիքների վերաբերյալ ԵՄ առաջնորդների համատեղ հայտարարությունը, երբ տեսնի այդ տեքստը. Պեսկով
Կրեմլը կվերլուծի Կիևի անվտանգության երաշխիքների վերաբերյալ ԵՄ առաջնորդների համատեղ հայտարարությունը, երբ տեսնի այդ տեքստը, լրագրողներին ասել է Ռուսաստանի նախագահի մամուլի քարտուղար Դմիտրի Պեսկովը։
Կրեմլի խոսնակը նշել է, որ Մոսկվան մինչ այժմ միայն լրատվամիջոցների հաղորդագրություններ է տեսել Կիևի անվտանգության երաշխիքների վերաբերյալ ԵՄ առաջնորդների համատեղ հայտարարության մասին և մտադիր չի արձագանքել դրանց։
«Մենք դեռևս որևէ տեքստ չենք տեսել։ Երբ տեսնենք, կվերլուծենք դրանք», – ասել է Պեսկովը՝ պատասխանելով Կրեմլի կողմից հայտարարության գնահատման վերաբերյալ հարցին։
Հիշեցնենք, որ ավելի վաղ հաղորդվել է, որ Ուկրաինայի նախագահ Վլադիմիր Զելենսկու հետ բանակցություններից հետո եվրոպացի առաջնորդները ներկայացրել են Ուկրաինայի անվտանգության երաշխիքների վեց կետից բաղկացած ծրագիր:
