Ուկրաինայի իշխանությունները հայտնել են երկրի վրա հերթական մասշտաբային հարձակման մասին

Ուկրաինայի իշխանությունները հայտարարել են, որ Ռուսաստանը հրթիռներով և անօդաչու թռչող սարքերով հերթական մասշտաբային հարվածն է հասցրել Ուկրաինայի էներգետիկայի ոլորտի ենթակառուցվածքներին։

Ուկրաինայի էներգետիկայի նախարարը հայտարարել է, որ գրոհի թիրախներն են եղել Պոլտավայի, Կիրովոգրադի, Զապորոժիեի, Լվովի, Իվանո-Ֆրանկովսկի և Վիննիցայի մարզերի օբյեկտները։ Հարվածներ են հասցվել նաև Կիևի մարզին։

Զապորոժիեի ոստիկանությունը հայտնել է, որ քաղաքին հացված հարվածների հետևանքով վնասվել է հրշեջ բաժանմունքը, կարևոր և քաղաքացիական ենթակառուցվածքի մի քանի օբյեկտներ և քաղաքային տրանսպորտը։

Խերսոնում վնասվել է կայարանը և երկաթգծերը։

Լվովի իշխանությունները հայտնել են էլեկտրակայանի վնասման մասին։ BBC-ի ռուսական ծառայությունը, վկայակոչելով տեղի իշխանություններին, հայտնում է, որ երկու թևավոր հրթիռների հարվածից Լվովի մարզի երկու վայրում հրդեհ է բռնկվել։ Դրանցից մեկը գազապահեստարան է, մյուսն, ըստ ԶԼՄ-ների, ջերմաէլեկտրակայան։

Իսկ Կիևի մարզում, ըստ արտակարգ ծառայությունների, հրթիռային հարվածի պատճառով վնասվել և ավերվել է 14 մասնավոր տուն, 2 մարդ վիրավորվել է։

Ըստ Ուկրաինայի զինված ուժերի՝ մայիսի լույս 8-ի գիշերը ռուսական զինված ուժերն Ուկրաինայի վրա են արձակել 55 հրթիռ, 21 կամիկաձե անօդաչու, որոնցից 39 հրթիռ և 20 ԱԹՍ հաջողվել է խոցել։