Վիճաբանություն, ծեծ, խուլիգանություն Այգավան գյուղում
Հուլիսի 25-ին ոստիկանության Արարատի բաժնի Արարատի բաժանմունքում օպերատիվ տեղեկություններ էին ստացվել, որ ժամը 17.00-ի սահմաններում Այգավան բնակավայրում վիճաբանություն է եղել 33-ամյա, 35-ամյա և 40-ամյա երեք համագյուղացիների միջև, որի ընթացքում 40-ամյա տղամարդը ծեծի է ենթարկվել՝ ստանալով մարմնական վնասվածքներ: Միջադեպից հետո նա 36-ամյա եղբոր հետ գնացել է 35-ամյա համագյուղացու տուն՝ պարզաբանումների: Վիճաբանություն է սկսվել, և 36-ամյա երիտասարդը հրացանից կրակել է համագյուղացու դարպասին:
Դեպքի վայրի զննության ժամանակ 35-ամյա տանտերը Արարատի բաժնի ոստիկաններին է ներկայացրել է 36-ամյա համագյուղացու ձեռքից վերցված «ԻԺ 18 Ե» տիպի 16 մմ տրամաչափի որսորդական հրացանը:
Կազմված փաստաթղթերն ուղարկվել են Վեդիի քննչական բաժին:
