Իռլանդիայի վարչապետը ժամանել է Կիև՝ Զելենսկիի հետ բանակցությունների

Իռլանդիայի վարչապետ Լեո Վարադկարն այցով ժամանել է Կիև։ Այս մասին իր Telegram ալիքում հայտնել է Ուկրաինայի նախագահ Վլադիմիր Զելենսկին։

«Այսօր մենք կարևոր բանակցություններ կանցկացնենք անվտանգության, քաղաքական փոխգործակցության, Ուկրաինայի համար արդարության և տնտեսական համագործակցության շուրջ», – գրել է Զելենսկին:

Նա նաև շնորհակալություն է հայտնել Իռլանդիային աջակցության համար՝ շեշտելով, որ չեզոք երկիր լինելը չի նշանակում անտարբերություն։