Կիևում հայտարարել են ազգային դիմադրության վարժանքների մեկնարկի մասին
Կիևի քաղաքապետարանը հայտարարել է ազգային դիմադրության մեկօրյա վարժանքների մեկնարկի մասին։ Այդ մասին հաղորդագրություն է տարածել Կիևի քաղաքապետարանի կայքէջը։
Հաղորդագրության մեջ նշվում է, որ քաղաքացիական բնակչությանը կսովորեցնեն ականապայթյունային անվտանգության հիմունքները:
Բացի այդ, նախատեսված է հրաձգային պատրաստություն և գործողությունների մշակում ճառագայթային և քիմիական աղտոտման պայմաններում։ Դասընթացները վարելու են համայնքային անվտանգության վարչության աշխատակիցները և կամավորները, ովքեր ունեն բավարար պատրաստվածություն:
