Հեռախոս գողացած երիտասարդը հայտնաբերվել է
Հուլիսի 1-ին, 04.10-ին, պարեկային ծառայության ոստիկանները Երևանի Տիգրան Մեծի պողոտայում հայտնաբերել, գողության փորձի հիմնավոր կասկածանքով ձերբակալել և ոստիկանության Կենտրոնական բաժին են տեղափոխել 27-ամյա մի երիտասարդի:
Ժամը 04.40-ին 36-ամյա մի կին ոստիկանություն հաղորդում է տվել, որ ժամը 04.00-ի սահմաններում, օգտվելով իր անուշադրությունից, Խանջյան փողոցի գիշերային ակումբում գողացել են իր այֆոնը:
Կասկածանքով բերման ենթարկված 27-ամյա երիտասարդի խուզարկությամբ հայտնաբերվել է հիշյալ հեռախոսը:
Կազմված փաստաթղթերը փոխանցվել են քննչական բաժին:
