Ձյուդոիստ Վահե Աղասյանը Եվրոպայի գավաթում դարձել է բրոնզե մեդալակիր
Հայաստանի ձյուդոյի երիտասարդական ընտրանին մեկ մեդալ է նվաճել Եվրոպայի գավաթում:
Ինչպես գրում է ձյուդոյի ֆեդերացիան, երիտասարդական հավաքականը մասնակցել է 2023 թվականի հունիսի 1-2-ը Սլովենիայի Գրադեց քաղաքում կայացած Եվրոպայի գավաթի մրցաշարին՝ ավագ մարզիչ Դավիթ Խաչատրյանի գլխավորությամբ։ 60 կգ քաշային կարգում հանդես եկող Վահե Աղասյանը, հաղթելով 4 գոտեմարտում, գրավել է 3-րդ հորիզոնականը՝ նվաճելով բրոնզե մեդալ։
Երևանի օլիմպիական հերթափոխի պետական մարզական քոլեջի սան Արտակ Թորոսյանը 73 կգ քաշային կարգում գրավել է 5-րդ տեղը։
