Գեղարքունիքի մարզում փակ կամ դժվարանցանելի ճանապարհներ չկան
![](https://168.am/wp-content/uploads/2023/02/39544da8_1975_40b5_90b0_b369dda32368_cx0_cy5_cw0_w1023_r1_s.thumb_.jpg)
Փետրվարի 24-ի գիշերային ժամերին Գեղարքունիքի մարզի ամբողջ տարածքում ձյուն է տեղացել, ինչի հետեւանքով դժվարանցանելի վիճակ է ստեղծվել ճանապարհատրանսպորտային երթեւեկության համար։
Ինչպես տեղեկացրեց Գեղարքունիքի մարզպետարանի քաղաքաշինության վարչության տրանսպորտի եւ ճանապարհաշինության բաժնի պետ Գեւորգ Խաչատրյանը, ձյան շերտը կազմել է 5-10, առանձին տեղերում՝ մինչեւ 20 սանտիմետր։ Գիշերային ժամերից Ճանապարհները սպասարկող կազմակերպությունները ձեռնարկել են մաքրման եւ մշակման աշխատանքներ, որոնք այժմ էլ գտնվում են ընթացքի մեջ։
Փետրվարի 24-ի ժամը 12:30-ի դրությամբ Գեղարքունիքի մարզում բաց եւ անցանելի են բոլոր ճանապարհները։ Վարդենյաց լեռնանցքն անցանելի է տրանսպորտային բոլոր միջոցների համար, բացառությամբ կցորդիչով աշխատող բեռնատարների։