Ֆինլանդիայի մարզիչը խոսել է Հայաստանի ֆուտբոլի ընտրանուց
Ֆուտբոլի Ֆինլանդիայի ազգային թիմի գլխավոր մարզիչ Մարկու Կաներվան խոսել է Եվրո-2020-ում նույն խմբում հայտնված Հայաստանի ընտրանու մասին:
«Մեզ բաժին ընկած թիմերը աղետ չեն, սակայն «երազանքների» խումբ էլ չէ: Կարող ենք հաջողության հասնել նման խմբում, գոհ եմ վիճակահանությունից: Հայաստանի թիմը կարող է խառնել մրցակից թիմերի խաղաքարերը»,- մարզչի խոսքերը մեջ են բերում ֆինլանդական ԶԼՄ-ները:
Ֆուտբոլի Հայաստանի ազգային թիմը Եվրոպայի 2020 թվականի առաջնության որակավորման փուլում հայտնվեց J խմբում: Դուբլինում կայացած վիճակահանության արդյունքում Հայաստանի ընտրանին նույն խմբում է Իտալիայի, Բոսնիա և Հերեցեգովինայի, Ֆինլանդիայի, Հունաստանի և Լիխտենշտեյնի հետ:
