Իրանը Մերձավոր Արևելքի խաղաղ բնակիչներին կոչ է արել հեռանալ ամերիկյան զորքերի տեղակայման վայրերից
Իրանը Մերձավոր Արևելքի տարածաշրջանի խաղաղ բնակիչներին կոչ է անում հեռանալ ամերիկյան զորքերի տեղակայման շրջաններից: Այս մասին հայտարարել է Իսլամական հեղափոխության պահապանների կորպուսի մամուլի ծառայությունը։
Ըստ SNN հեռուստաալիքի՝ հայտարարության տեքստում նշվում է, որ Իրանը պետք է ոչնչացնի ամերիկյան և իսրայելական ուժերին, «որտեղ էլ նրանք գտնվեն», քանի որ նրանք հարձակումներ են իրականացնում խաղաղ իրանցիների և առանձին անձանց դեմ։
«Մենք խորհուրդ ենք տալիս անհապաղ հեռանալ ամերիկյան զորքերի տեղակայման շրջաններից, որպեսզի ձեզ վնաս չպատճառենք» , – հայտնել է ԻՀՊԿ-ն։
