Ընդգծում ենք հավատքի հարցերի քաղաքականացման ծայրահեղ ապակառուցողականությունն ու վտանգավորությունը. Զախարովան՝ Եկեղեցու շուրջ իրավիճակի մասին
ՌԴ ԱԳՆ պաշտոնական ներկայացուցիչ Մարիա Զախարովան այսօր ամենշաբաթյա բրիֆինգի ընթացքում անդրադարձել է նաև Հայաստանի իշխանությունների և Եկեղեցու փոխհարաբերությունների թեմային։
«Այս համատեքստում այսպես կոչված «ՊԱԿ-ի (КГБ) գործակալների» հիշատակումները, ըստ էության, նպատակ ունեն շահել արևմտյան լսարանի աջակցությունը, որը, դատելով ամեն ինչից, շարունակում է մտածել հակախորհրդային պարադիգմով, ինչն էլ վերածվում է ռուսատյացության», — հայտարարել է նա։
Նրա խոսքով՝ կրոնական թեմատիկայի քաղաքականացումը և հավատքի ու հոգևորականության գործունեության հարցերը մարգինալացնելու փորձերը ծայրահեղ վտանգավոր են։ Զախարովան ընդգծել է, որ նման մոտեցումները կարող են հանգեցնել հասարակական պառակտման խորացմանը։
