Իրանի Լորեստան նահանգում 7 մարդ է զոհվել
Իրանի դեմ ԱՄՆ-ի և Իսրայելի կողմից շարունակվող հարձակումների թիրախում են հայտնվել Լորեստան նահանգի Դորուդ քաղաքի խիտ բնակեցված թաղամասերը, ինչի հետևանքով զոհվել է 7 և վիրավորվել 56 մարդ։ Այս մասին հայտնում է Al Jazeera-ն՝ վկայակոչելով նահանգի անվտանգության գծով փոխնահանգապետին։
ԱՄՆ-ն և Իսրայելն Իրանի դեմ համատեղ ռազմական գործողություն են սկսել փետրվարի 28-ից՝ մեղադրելով Թեհրանին հրթիռային և միջուկային ծրագիրը զարգացնելու համար։ Իրանը հերքել է մեղադրանքները և սկսել է պատասխան հարվածներ հասցնել Իսրայելին, ինչպես նաև տարածաշրջանի երկրներում ամերիկյան ռազմաբազաներին։ Հարվածներից տուժել են Կատարը, Քուվեյթը, Արաբական Միացյալ Էմիրությունները, Բահրեյնը, Սաուդյան Արաբիան, Օմանը, Իրաքը։
