Իրանական հրթիռային հարվածներից հետո հրդեհ է բռնկվել Ալ-Ֆուջեյրա նավթային նավահանգստում․ բեկորներն ընկել են շենքի վրա
Իրանական հրթիռային հարվածներից հետո խոշոր հրդեհ է բռնկվել Միացյալ Արաբական Էմիրությունների Ալ-Ֆուջեյրա նավթային նավահանգստում, հայտնում է Pars Today-ը։
Դուբայի վարչակազմի մամուլի ծառայությունն իր հերթին հայտնել է, որ օդային հարձակման «հաջող որսումից» հետո ընկնող բեկորները հարվածել են Դուբայի կենտրոնում գտնվող շենքերից մեկի ճակատային մասին։
Հրդեհ չի բռնկվել, տուժածների մասին տեղեկություններ չկան, և ներկայումս իրավիճակը վերահսկողության տակ է, հայտնել են վարչակազմի մամուլի ծառայությունից։
Գերատեսչությունը չի հստակեցրել՝ արդյոք հարձակումն իրականացվել է հրթիռով, թե անօդաչու թռչող սարքով։
