Մի ասող լինի, քեզ պե՞տք է էդ աթոռը, թեկուզ և վարչապետական, որտեղ ավելի շատ թագավորում է վախը, երկյուղը, մղձաթրթիռ տագնապները, քան իշխանական անհոգ վայելքները… Լևոն Ջավախյան
Լևոն Ջավախյանը գրում է. «NON GRATA
Ըստ «Հրապարակ» թերթի տեղեկատվության` ՔՊ֊ական Արփի Դավոյանի ուրախ հանդիսությանը նիկոլ փաշինյանը ներկայացել է անձնական մատուցողով, անձնական օգտագործման տալերկով, բաժակով ու չանգալ դանակով։
Տարածվող լուրերի համաձայն նիկոլ մեծագործը, որ հանրությանը ավելի շատ հայտնի է որպես Չարագործ, խիստ տագնապներ ունի սեփական անձի անվտանգությունը ապահովելու հարցում և դիմում է կարելի և անկարելի բոլոր միջոցների անկանխատեսելի դեպքերից խուսափելու համար։ Ուտելիս և խմելիս երկյուղ ունի թունավորումից և չի վստահում անգամ իր կուսակիցներին, իսկ բացօթյա միջոցառումներին օր ու արև չի տալիս Պետանվտանգության մարմիններին և բազմապրոֆիլ` կանաչ, կարմիր, կապույտ բերետավոր ոստիկանությանը…Ասում են, նույնիսկ իր վրա նետված խնձորն անգամ նռնակի տեղ է դնում ու սարսափահար և հատկապես խուճապահար և որ հետաքրքիր է` ասֆալտահամբույր, պառկում մոխրագույն գետնին։ Այնտեղ, որտեղ ինքն է, ծառից պոկված տերևն անգամ օդում պիտի բռնվի։ Կարելի է ասել, որ շարունակ նրա հետ, նրան կողակից, նրան ուղեկից ապրում է ոչ այնքան կյանքը, այլ մահը, մահվան երկյուղը, մահվան տագնապը։
Որպես երբեմնի ավագ ընկեր, ով առանց թունավորման երկյուղի հաց է կիսել կրտսեր ընկերոջ հետ, ով իսկապես ինչպես արթմնի, այնպես էլ երազում չի փափագել ընկերոջ մահը, գոնե այս պահին, բարեկամաբար խորհուրդ եմ տալիս թողնել նաֆսոտ պաշտոնը, հեռանալ զբաղեցրած դիրքից` իշխանությունից, որքան հնարավեր է հեռու, շատ հեռու` մի անեզր տարածք, թեկուզ և լինի անմարդաբնակ տափաստան կամ անկենդան անապատ, որտեղ չկա մահվան երկյուղ, պատասխանատվության վտանգ, և իհարկե, դեպի իրեն սուրացող դիպուկահարի գնդակ…
Մի ասող լինի, քեզ պե՞տք է էդ աթոռը, թեկուզ և վարչապետական, որտեղ ավելի շատ թագավորում է վախը, երկյուղը, մղձաթրթիռ տագնապները, քան իշխանական անհոգ վայելքները…
Ես որ, թեև դեպքից դեպք, թեկուզ և հեգնալից` վարչապետակական հրովարտակներ եմ արձակում, բայցևայնպես, ոչ մի դեպքում և ոչ մի պարագայում Վերնիսաժում զբաղեցրած իմ անարատ ստոլիկը չեմ փոխի քո շառոտ վարչապետական աթոռի հետ։
Վերնիսաժում անգամ տեղ ունենալու համար պիտի այդ իրավունքը վաստակես։
Դու այդ իրավունքը չունես։
25.1.26թ.
