Ռուսաստանը և ԱՄՆ-ն շփումներ են ունենում գրգռիչների շուրջ, որոնք չեն հրապարակայնացվում
Ռուսաստանը և ԱՄՆ-ն «վերադառնում են նորմալությանը» և Մոսկվայում ու Վաշինգտոնում շփումներ են ունենում, այսպես կոչված, «գրգռիչների» շուրջ։ Այս մասին ТАСС-ին տված հարցազրույցում հայտնել է ՌԴ արտաքին գործերի նախարարի տեղակալ Սերգեյ Ռյաբկովը՝ ընդգծելով, որ նման շփումները չեն հրապարակայնացվում։
«Այսինքն՝ մեր փոխանակումների փորձագիտական մակարդակի վրա կենտրոնացման հետ մեկտեղ, եթե ցանկանում եք, տեղի է ունեցել վերադարձ նորմալությանը։ Այն իմաստով, որ նման աշխատանքային շփումները անցկացվում են մայրաքաղաքներում՝ Վաշինգտոնում և Մոսկվայում», ասել է ՌԴ ԱԳՆ փոխնախարարը։
Նա պարզաբանել է, որ «նման շփումների նախորդ փուլը տեղի է ունեցել Վաշինգտոնում»։ Դիվանագետը վստահ է, որ այս երկխոսության գործընթացը դրական է։
«Բայց այս շփումների շուրջ պատշաճ մթնոլորտ ապահովելու նպատակով դրանք հատուկ չեն հրապարակայնացվում», նշել է Ռյաբկովը։
Փոխնախարարը հավելել է․ «Հետագայում դրանց արդյունքների՝ կամ դրանց բացակայության մասին մենք, իհարկե, գտնում ենք հանրությանը տեղեկացնելու ձևը»։
Դեկտեմբերի վերջին Ռյաբկովը ТАСС-ին ասել էր, որ Մոսկվան և Վաշինգտոնը հերթական խորհրդակցությունների փուլ են անցկացրել՝ հարաբերություններում փոխադարձ գրգռիչների շուրջ։
Ըստ նրա, այս հարցում առաջընթացը նվազագույն է, սակայն հիմնական գրգռիչները վերացնելու ջանքերը կշարունակվեն։
