Նոր Զելանդիայում որոնում են սողանքի հետևանքով անհետ կորածներին

Նոր Զելանդիայում տեղատարափ անձրևների հետևանքով առաջացած սողանքի պատճառով կան անհետ կորածներ, այդ թվում և՝ երեխաներ։ Այս մասին հայտնում է Reuters-ը։

Տեղումների հետևանքով տարհանվել են հարյուրավոր ընտանիքներ, տարբեր ավտոճանապարհներին դադարեցվել է երթևեկությունը։

Սողանքը տեղի է ունեցել երկրի հյուսիսային՝ զբոսաշրջիկների շրջանում հայտնի հատվածում։

Ոստիկանությունից հայտնել են, որ անհետ կորածների թիվը մեկ տասնյակը չի գերազանցում։