Ուկրաինայի հակաօդային պաշտպանության համար ավելի շատ հրթիռներ են անհրաժեշտ. Զելենսկի
Ուկրաինայի նախագահ Վլադիմիր Զելենսկին շնորհակալություն է հայտնել ուկրաինացի էներգետիկներին և վերանորոգման բրիգադներին, որոնք շուրջօրյա աշխատում են էներգահամակարգի վերականգնման ուղղությամբ՝ Ռուսաստանի հարվածներից հետո, հայտնում է РБК-Украина-ն։
Նա նշել է, որ էներգահամակարգում իրավիճակը շարունակում է մնալ բարդ, սակայն իշխանությունները և համապատասխան ծառայությունները անում են ամեն ինչ՝ հնարավորինս արագ վերականգնելու վնասված ենթակառուցվածքը։
Զելենսկին ընդգծել է, որ Ուկրաինային անհրաժեշտ է ավելի շատ պաշտպանություն, առաջին հերթին՝ հրթիռներ հակաօդային պաշտպանության համակարգերի համար։
«Եթե Ռուսաստանը դիտավորյալ ձգձգում է դիվանագիտական գործընթացը, ապա աշխարհի արձագանքը պետք է լինի վճռական․ ավելի շատ օգնություն Ուկրաինային և ավելի մեծ ճնշում ագրեսորի վրա։ Շնորհակալություն բոլոր գործընկերներին, որոնք այժմ մեզ հետ են, պատրաստ են օգնելու պաշտպանել կյանքը և ուժեղացնել Ուկրաինան, միասին աշխատել անվտանգության վերականգնման ուղղությամբ», – հայտարարել է Զելենսկին։
