ՀՀ նախագահի, ԱԺ-ի ու վարչապետի, աշխատակազմերի համար նախատեսվում է 16,7 միլիարդ դրամ պարգևավճար. «Մեր ձևով» շարժման մամուլի խոսնակ
Այս կառավարության` ինքն իրեն միլիարդավոր պարգևավճարներ բաժանելու գործելաոճը վաղուց դարձել է սոցիալական անհավասարության ու բևեռացման աղաղակող փաստ, հայտարարել է «Մեր ձևով» շարժման մամուլի խոսնակ Մարիաննա Ղահրամանյանը։
«Երբ Հայաստանում նվազագույն կենսաթոշակը 36,000 դրամ է, նվազագույն աշխատավարձը՝ 75,000 դրամ, իսկ այդ աշխատավարծի 46 տոկոսը ծախսվում է ջեռուցման վրա, միայն այս տարվա բյուջեով, այսինքն, մեզ հասանելի բաց տվյալներով, նախագահի, ԱԺ-ի ու վարչապետի (առանց տեսչական ու ենթակա այլ մարմինների )աշխատակազմերի համար նախատեսվում է 16.7 միլիարդ դրամ պարգևավճար։
Մենք առաջարկում ենք նոր KPI-ների ներդրման միջոցով գնահատել արդյունքը` հաշվելի, չափելի տնտեսական էֆեկտը, ապա՝ պետական ապարատին պարգևատրել։
ՔՊ-ական պատգամավոր Արուսյակ Մանավազյանին հորդորում եմ շատ ուշադիր լսել հատկապես պետական ապարատի գործունեության արդյունավետության գնահատման մեխանիզմներին վերաբերելի հատվածը»։
