Ռուբիոն և Նեթանյահուն հեռախոսազրույցով քննարկել են Իրանին, Սիրիային և Գազային առնչվող հարցեր
ԱՄՆ պետքարտուղար Մարկո Ռուբիոն և Իսրայելի վարչապետ Բենիամին Նեթանյահուն հունվարի 10-ին հեռախոսազրույցի ժամանակ քննարկել են Իրանում տեղի ունեցող բողոքի ցույցերը, Սիրիայում տիրող իրավիճակը և Գազայում խաղաղության համաձայնագիրը, հաղորդել է Reuters-ը՝ հղում անելով ամերիկացի պաշտոնյայի։
Առավոտյան Ռուբիոն իր սոցցանցերում գրել է, որ ԱՄՆ-ն աջակցում է Իրանի խիզախ ժողովրդին:
Վերջին անգամ Նեթանյահուն և Ռուբիոն հանդիպել են դեկտեմբերի վերջին՝ Իսրայելի վարչապետի և ԱՄՆ նախագահ Դոնալդ Թրամփի հանդիպումից առաջ, որը նախատեսված էր նրա Մար-ա-Լագոյի նստավայրում։
