Ամերիկյան նավթային ընկերությունները ցանկանում են վերադառնալ Վենեսուելայի էներգետիկ ոլորտ․ Թրամփ
Ամերիկյան նավթային ընկերությունները պատրաստվում են վերադառնալ Վենեսուելայի էներգետիկ ոլորտ: Այս մասին հայտարարել է ԱՄՆ նախագահ Դոնալդ Թրամփը։
«Նավթային ընկերությունները պատրաստ են աշխատանքին: Նրանք պատրաստվում են գործի անցնել: Նրանք մտադիր են վերականգնել ենթակառուցվածքները», – ասել է նա լրագրողներին իր ինքնաթիռում՝ Ֆլորիդա նահանգի Ուեսթ Պալմ Բիչից Վաշինգտոն մեկնելիս, որտեղ նա անցկացնում էր արձակուրդները իր Մար-ա-Լագո կալվածքում։
