Դերասան Ջորջ Քլունին և ընտանիքը Ֆրանսիայի քաղաքացիություն են ստացել
Դերասան Ջորջ Քլունին, նրա կինը՝ մարդու իրավունքների պաշտպան Ամալ Քլունին, և նրանց երկու երեխաները ստացել են Ֆրանսիայի քաղաքացիություն, հաղորդում է France 24-ը։
2021 թվականին ընտանիքը գնել է Domaine de Canadel գինու կալվածքը Ֆրանսիայի հարավում գտնվող Բրինյոլ գյուղի մոտ։ Քլունիները նաև առանձնատներ ունեն Իտալիայում և Անգլիայում, բնակարան Նյու Յորքում և անշարժ գույք Կենտուկիում։
Դեկտեմբերի սկզբին Քլունին RTL-ին ասել էր, որ իր տունը Ֆրանսիայում այն վայրն է, որտեղ նրանք ամենաերջանիկն են։
«Ես սիրում եմ ֆրանսիական մշակույթը և լեզուն, չնայած 400 օր դասերից հետո դեռ լավ չեմ խոսում: Այստեղ երեխաներին չեն լուսանկարում։ Դպրոցի դարպասների մոտ թաքնված պապարացիներ չկան։ Դա մեզ համար ամենակարևորն է», – խոստովանել է 64-ամյա դերասանը։
Հոկտեմբերին Esquire ամսագրին տված հարցազրույցում նա նշել է, որ չէր ցանկանա իր երեխաներին մեծացնել Լոս Անջելեսում՝ «Հոլիվուդյան մշակույթում»։
