Հայտնի է՝ ինչո՞ւ է ձերբակալվել «Հայրենիք» կուսակցության գլխավոր քարտուղար Խաչիկ Գալստյանը
«Հայրենիք» կուսակցության գլխավոր քարտուղար Խաչիկ Գալստյանը ձերբակալվել է Վաղարշապատում նոյեմբերի 16-ի ավագանու ընտրություններին ընտրակաշառք տալու գործի շրջանակում․ այս մասին տեղեկանում ենք 168.am-ին Հակակոռուպցիոն կոմիտեի տրամադրած հաղորդագրությունից։
«Նախաձեռնված քրեական վարույթի շրջանակում օրերս ձերբակալվել է 8 անձ, այդ թվում՝ Արմավիրի մարզպետի նախկին տեղակալը: Ձերբակալված անձանցից մեկի նկատմամբ որպես խափանման միջոց է կիրառվել կալանքը, 3-ի նկատմամբ՝ տնային կալանքը։ Նախօրեին նույն քրեական վարույթի շրջանակում կաշառք տալու մեղադրանքով ձերբակալվել է ևս 2 անձ, այդ թվում՝ նշված կուսակցության գլխավոր քարտուղարը»,-ասացին կոմիտեից:
Վերջիններիս նկատմամբ կալանքը որպես խափանման միջոց կիրառելու միջնորդություններ են ներկայացվել դատարան։
